Çay Evi 145 Aktiv
145-in hekayəsi 145Group-un ilk məkanı olan “Çay Evi 145” ilə başlayır. “Çay Evi 145”in yerləşdiyi bina sadəcə bir məkan deyil, Bakının tarixinin bir hissəsidir. Uzun illər boyunca bu divarlar şəhərin gündəlik həyatına şahidlik edib — insanların görüşlərinə, söhbətlərinə və paylaşdığı anlara ev sahibliyi edib. Onun divarları dəyişən Bakının ritmini, burada yaşanmış xatirə və hekayələrlə birlikdə qoruyub saxlayıb. Tarixi binası kimi, “Çay Evi 145”in də özünəməxsus bir tarixçəsi var. 2003-cü ildə fəaliyyətə başlayan bu məkan Bakının keçmişini və çay mədəniyyətini bu günə daşıyan nadir ünvanlardan biridir. Vaxtilə bakılıların böyük dəyər verdiyi çay ənənələri məhz burada formalaşıb, illər boyu qorunub saxlanılıb və gələcək nəsillərə ötürülüb.